範冰當然咁諗嘅，尤其呢個灰盒仲系雙重封印，點穩啊？咪唯有寸寸搜囉……

希爾笑住話：“之前擺埋呢三個盒一齊嘅時候，佢哋唔繫有啲感應嘅咩？”

一言驚醒夢中人，範冰再拎出三個灰盒，睇住佢哋發緊紫光，指住話：“你意思系，用呢個紫光做路標嘅嘢？”

“就係咁解。”

“就算隔住封印都睇到紫光嘅？我遠啲望下先……”

範冰佢哋家下喺船上，佢行去船艙外面睇清楚，三條紫光沖天而起，真繫好容易認嘅，

佢返到房裡面，個樣好冇癮：“早知有呢種嘢嘅話。”

希爾安慰佢：“都唔使太失望，唔系因為花咗啲時間先至攞到地心紅蓮嘅咩？呢啲嘢度都有罕有嘢，我哋順手搵嚇寶，你放鬆啲就得嘞。”

範冰點頭，宜家有咗簡單嘅方法搵灰盒，咁出嚟呢一趟當旅遊搵寶就得嘞。

復活魔神之後點算啊？

呢個問題範冰都諗過嘅。且勿論希爾同魔神之間有冇嘢，總之魔神復活之後對月光國好處大大嘅，唯一要擔心嘅就係魔神封咗咁多年實力變弱。

不過，最起碼佢可以做個精神支柱，都已經好有用嘞。

總之，心情輕鬆愉快嘅範冰好順利咁搵到曬所有嘅盒，仲順便攞到唔少寶物。

佢用卷軸即刻傳送翻魔族，直衝祭壇。但系，就算集齊曬所有嘅盒，都冇嘢發生。

呢個咩情況啊？

範冰試住同魔神溝通，魔神降臨之後嗰啲盒入面封住嘅身體震得仲犀利，但系魔神都系本來嘅樣，嗰啲盒都仲系盒。

“……尊敬嘅魔神，請問下一步應該點做好？”範冰睇住地下震到差啲飛走嘅盒，一臉苦惱，忍住想吐槽嘅衝動。

魔神靜咗好耐，話：“呢啲唔系全部。”

“乜嘢？”範冰眨眼，“唔系話總共六個嘅咩？”

“我嘅身體系分成六個部分，但繫心臟唔喺呢度。”

……大佬你可唔可以靠譜啲啊！自已嘅身體咩狀況都搞唔清楚嘅咩……

“咁請問魔神，下一步我應該點做？你嘅心臟喺邊啊？”

“……唔知。”

“喵？！”範冰仲有咩嘢好講啊……

“我感應唔到心臟嘅位置。”魔神噉樣解釋，“估計系被強大嘅封印阻礙咗感應。”

範冰有個推測，大概魔神嘅心臟系俾光明神親自收藏咗。

睇嚟佢復活魔神然後等魔神幫月光國壯膽嘅願望落空嘞，想完成任務始終都要靠自已。

魔神就話：“將我嘅身體按呢個陣擺喺王城周圍，可以形成聚魔陣加快魔力聚集。”

範冰眼前一亮：“咁就可以加快族人修行。”

“係嘅。”魔神好似用曬力咁，畫咗個魔法陣俾範冰之後就消失嘞。

範冰即刻同666講：“666，復活魔神呢個任務咁煩，唔可以重新評審下嘅咩？”

【呢個系已經知曬任務全經過嘅基礎上嘅獎勵。】666話，【冇變動嘅需要。】

“……即系你一早知魔神嘅心臟唔系度……喺光明神度嘅嘅？”

有666做情報收集器，梗系要用嘅啦。

【算系嘅。】666答得好含糊。

“算系嘅系咩意思？”範冰皺眉，“呢個任務咁煩，我真系想快啲搞掂然後翻去瞓下覺。”

任何人都有累嘅時候，由範冰嚟到呢個世界，日日都冇停過做嘢，結果而家睇嚟，完成任務仲有排嘅！

666鼓勵道：【想攞到好嘅獎勵同更高嘅積分，就要忍得一時之苦。其實最主要原因系呢個任務嘅等級同你依家嘅實力唔太襯，所以至會咁麻煩……】

\"多謝曬你啊。\"範冰翻咗翻白眼，話：\"你先話我知魔神嘅心臓究竟喺邊度先。\"

【斷罪塔嘅頂點。】666講。

\"斷罪塔系乜鬼嚟嘅……\"範冰喺哈娜亞嘅記憶入面搵，發現一啲收穫都冇，由此可見呢樣嘢唔系魔族嘅嘢。

【斷罪塔系宗教裁判所為咗懲罰、囚禁罪人，亦都系警世人唔好犯罪而起嘅一座高塔。塔總共九層，每一層都有罪大惡極嘅囚犯做劊子手。】

\"每一層都有囚犯做劊子手？呢度唔系用來囚禁罪人嘅咩？\"範冰有啲混亂，\"我冇明呢座塔究竟系用來做乜嘅。\"

【聽我解釋下啦。】666講，【為咗震撼世人，懲罰囚犯，犯咗十惡唔赦嘅罪嘅人就會俾佢哋入塔。每一層嘅劊子手都系以前入過塔嘅罪人，如果可以擊敗劊子手，就有兩個選擇，一個系做劊子手留喺呢一層，另一個就係繼續上。咁樣重複，直至擊敗第九層嘅劊子手，成功入到第十層，就可以得到自由，仲可以帶走裡面嘅一樣嘢。】

\"等等，如果噉嘅話，第九層根本唔會有劊子手留低嘅掛。打嬴咗，可以自由仲要做劊子手？\"範冰即刻發現咗問題。

【就係噉，因為根本冇人入到第十層。】666話。【想入第十層必須要答啱一個問題，但呢啲罪人都冇一個答得啱。】

\"等我估下……魔神嘅心臓唔會系藏喺第十層咩。\"範冰瞇住眼講。

【答啱曬。】

\"…………第十層有冇敵人嘅？\"

【冇，淨繫有一個光明神製造嘅塔靈。】

\"魔神嘅心臓有冇偽裝過嘅？\"

【主人唔使擔心，一見到心臓，我就可以認得出。】

\"……睇嚟宜家嘅問題就係點樣混入嗰個斷罪塔……一般咩罪先會被關入去？\"

【主人唔使親身犯法嘅。】666反而咁答。

\"你講嘅系乜意思？\"

【宗教裁判所負責睇守斷罪塔嘅人喺第一層裝咗魔法水晶球，用嚟直播入面嘅情況，專登為啲達官貴人提供\"人類狩獵\"嘅節目……】

\"佢哋點可以咁嘅！\"範冰好震驚，\"你嘅意思系，有時為咗有足夠嘅人送入去俾罪人殺，呢啲宗教裁判所嘅人會出去街上捉人嘅？\"

佢都唔系咩都唔知嘅天真人，喺某個世界咪仲將女主角賣咗出去。

所以666咁講，範冰即刻聯想到。

對於範冰嘅理解，666表示冇錯。

冇諗到呢啲所謂嘅光明神信徒比佢諗嘅仲要墮落，邊個話光明一定代表善良同正義嘅？

範冰冇打算去做正義使者，但既然知咗件事，呢個地方佢又必須去，所以都唔可以扮聽唔到。

既然要去斷罪塔，順手將佢拆咗，搞唔定仲可以攞埋啲額外積分添。

佢收埋裝住魔神軀體嘅盒，但冇按魔神嘅講法去整魔法陣，而系先拎住個魔法陣嘅圖俾希爾睇。

希爾睇完之後話：“呢個魔法陣淨系需要魔力源頭咋，唔一定要用魔神嘅身體……佢都幾捨得啊！”

範冰話：“即系用啲含魔力嘅嘢就得？我去同大長老佢哋講。”

含魔力嘅嘢多到飛起，好似範冰帶翻嚟嗰堆魔力水晶咁……

知道咁偉大嘅魔神被困緊都仲掛住自已嘅子民，大長老感動到喊到面都溼曬，搞到範冰都覺得寒毛直豎。

佢將魔法陣留俾大長老，然後話自已要去搵魔神嘅心。

大長老本想阻止，但又知阻止唔到，就問魔神心喺邊。範冰淨系話自已都唔知，所以要去人類度搵嚇——總之魔神被封印，同光明神肯定有關。

範冰主意已定，雖然大長老諗住派幾個人幫下手，但範冰就拒絕咗呢份好意。

——去斷罪塔，唔系靠人多就得。

根據666嘅情報，斷罪塔每一層嘅行刑人都唔系善男信女，簡單嚟講，要打上斷罪塔，所以唔使咁多人，有希爾就得。

對於範冰咁依賴自已，希爾梗系開心嘅。雖然佢諗住範冰最好唔好去斷罪塔，因為實在太危險。

但範冰堅持要去，希爾都冇計。

範冰嘅行為都唔系冇計謀，佢喺上一個世界練咗咁耐武功，巖巖好攞嚟呢個世界睇下有幾勁。

況且而家佢仲識魔法——如果將魔法同佢嘅武功結合埋一齊，威力肯定會更強。

唔系所有魔法都要預備魔法陣，魔族都唔蠢，經過咁耐時間總結出一套唔使魔法陣、戰鬥時即刻可以用嘅魔法。

真系唔得，仲可以系商場買啲現代化嘅高科技武器，範冰諗，嗰啲行刑人就算再勁，都系人類嚟嘅，一槍應該就得啦。

前前後後佢都想曬，而且準備咗各種計劃同應付突發事件嘅辦法，至啟程去斷罪塔。